اسلام آباد، 17 مارچ، 2024؛اسپیکر قومی اسمبلی سردار ایاز صادق نے سینئر صحافی اے بی این نیوز چوہدری شاہد اجمل کے والد کے انتقال پر تعزیت کا اظہار کیا ہے۔

اسپیکر نے چوہدری شاہد اجمل کے نام اپنے جاری تعزیتی پیغام میں ان کے والد کے انتقال پر گہرے دکھ اور افسوس کا اظہار کیا ہے۔انہوں نے کہا مرحوم کا انتقال سوگوار خاندان کے لیے بڑا صدمہ ناقابل تلافی نقصان ہے۔انہوں نے کہا کہ غم اور دکھ کی مشکل گھڑی میں سوگوار خاندان کے غم میں برابر کا شریک ہوں۔